Vestfirskir Verktakar - Fr�ttir

"Svarta pakkh�si�" � Flateyri flytur b�ferlum

Thu, 08 Dec 2011 16:08:00 +0000

Vestfirskir verktakar fengu á dögunum það skemmtilega verkefni að flytja elsta hús Flateyrar "Svarta pakkhúsið" um set. Við sameiningu Ísafjarðar, Flateyrar og Suðureyrar eignaðist Ísafjarðarbær húsið. Undanfarin ár hefur Minnjasjóður Önundarfjarðar unnið ötullega að því að finna pakkhúsinu nýtt hlutverk. Fyrirhugað er að húsið verði sýningarhús utan um harðfisk- og skreiðarverslun á Íslandi og er flutningurinn fyrsta skrefið í að það verði að veruleika. Flutningurinn var vel undirbúinn og gekk vel þrátt fyrir smá éljagang.

Í samtali við Jóhönnu Kristjánsdóttur, Flateyri, kom fram að "Svarta pakkhúsið" sem í matsgerðum ber nafnið Fiskgeymsluhúsið var byggt árið 1867 af Hjálmari Jónssyni verslunarmanni til geymslu á saltfiski og stóð fyrir aftan verslunarhúsnæði sem hann átti og rak. 1883 eignaðist Ásgeirsverslun húsið og var í eigu hennar til ársins 1918 þegar sameinuðu íslensku verslanirnar tóku við rekstrinum. Framan á húsinu er skilti þar sem ritað er bæði á íslensku og dönsku "Sameinuðu Íslensku Verzlanirnar" og er frá þeim tíma. Í kringum 1925 eignaðist Kaupfélag Önfirðinga bæði verslunina og fiskgeymsluhúsið. Árið 1956 flutti Kaupfélagið í nýtt verslunarhúsnæði ofar í götunni og hefur Svarta pakkhúsið verið notað til ýmissa hluta síðan.

Framkv�mdir � uppt�kubraut a� lj�ka

Tue, 11 Oct 2011 09:12:00 +0000

Verið er að leggja lokahönd á upptökubraut fyrir smábáta innan við Frostabryggju í Súðavík. Það eru Vestfirskir verktakar sem séð hafa um uppsetningu brautarinnar, en að sögn Ómars Más Jónssonar, sveitarstjóra í Súðavík er hér um að ræða mikið mannvirki sem mun koma sér vel fyrir smábátaeigendur. „Hér hefur verið mikil þjónusta við sjóstangaveiðimenn síðan 2006. Smábátum hefur fjölgað töluvert en aðstaða fyrir þá hefur ekki verið góð og í raun ekki til staðar. Súðavíkurhreppur hefur verið með þetta verkefni í deiglunni í um sex ár en þetta er eitt af þeim verkefnum sem við getum sótt um að Siglingastofnun taki þátt í að fjármagna með okkur,“ segir Ómar Már um tilkomu upptökubrautarinnar.

Tekið af bb.is

N�rri v�larsamst��u komi� fyrir � Mj�lk�

Fri, 02 Sep 2011 11:40:00 +0000

Það hefur ekki reynst nauðsynlegt að stöðva raforkuframleiðslu Mjólkárvirkjunar á meðan verið er að koma nýju vélarsamstæðunni fyrir. „Gamla túrbínan í Mjólká II hefur verið keyrð á fullu á meðan verið að koma þeirri nýju fyrir. Það verður þó að stöðva hana eftir að nýja túrbínan er komin á sinn stað en það verður þó ekki nema í rúmar fimm vikur,“ Steinar. „Það var ákveðið að hafa þennan háttinn á og byggja frekar við stöðvarhúsið fyrir nýja hverfillinn í stað þess að koma honum fyrir í vélarstæði gamla hverfilsins. Með því að fara þessa leið þurfum við ekki að stöðva framleiðsluna nema í fáeinar vikur í stað nokkurra mánaða. Núna erum við líka með nægilegt húsrými til að skipta um vélbúnað Mjólká I þegar að því kemur,“ segir Steinar.

Tekið af bb.is

Framkv�mdir hafnar vi� byggingu �b��a aldra�ra

Fri, 02 Sep 2011 11:31:00 +0000

Framkvæmdir eru hafnar við byggingu nýrra íbúða aldraðra í Bolungarvík. Smiðirnir Jón Sveinsson og Sigurður Z. Ólafsson eru meðal þeirra sem vinna við byggingu hússins og vonast þeir til að hægt verði að byrja að steypa í þessari viku. Gert er ráð fyrir að húsið verði orðið fokhelt í desember en um er að ræða þriggja hæða hús ásamt kjallara. Notast verður við sama stigagang og eldri íbúðir aldraðra, og verður það því samtengd sjúkraskýlinu. Nýja byggingin er reist við Aðalstræti. Alls verða 15 íbúðir í húsinu og verða þær 70-90 fermetrar að stærð hver um sig. Það er Byggingarfélag heldri borgara í Bolungarvík sem stendur að baki framkvæmdinni en byggingaverktaki hússins er Vestfirskir verktakar ehf.

Frá þessu var greint á vikari.is. Tekið af bb.is

Framkv�mdir hafnar vi� �b��ir aldra�ra

Fri, 15 Jul 2011 16:44:00 +0000

Framkvæmdir við nýjar íbúðir fyrir aldraða í Bolungarvík hófust í vikunni en fyrsta skóflustungan að byggingunni var tekin í lok síðasta mánaðar. Húsið mun standa við Aðalstræti og tengjast öðrum íbúðum aldraðra, sem eru í eigu Bolungarvíkurkaupstaðar, með sameiginlegum stigagangi. Um er að ræða þriggja hæða byggingu sem mun telja 15 íbúðir sem eru 70 - 90 fermetrar að stærð, en auk þess er rúmgóður kjallari undir allri byggingunni. Áætlað er að verð minni íbúðanna verði 19 milljónir en að þær stærri kosti 24 milljónir.

Það er Byggingarfélag heldri borgara í Bolungarvíkur sem stendur að baki byggingunni og er áætlað að húsið verði orðið fokhelt 1. desember næstkomandi. Byggingaverktaki er Vestfirskir verktakar ehf en bolvíska fyrirtækið Þotan ehf sér um að grafa fyrir grunninum.

Tekið af bb.is

N�rri v�larsamst��u komi� fyrir � Mj�lk�

Wed, 13 Jul 2011 13:20:00 +0000

Fyrsti hlutinn í nýrri vélarsamstæðu Mjólkárvirkjunar var hífður inn í hús í dag. Vestfirskir verktakar ehf., hafa unnið að stækkun og breytingu á stöðvarhúsi virkjunarinnar frá því í byrjun apríl og hafa sjö menn að jafnaði unnið við verkið og allt upp í tólf á álagstímum. Steinar R. Jónasson, stöðvarstjóri, segir verkið vel á veg komið og framkvæmdina á áætlun.

„Steypuvinnan hefur gengið vel og búið er að gera kjallaran klárann fyrir vatnsrásina að vatnshverflinum. Sjálf túrbínan verður síðan steypt föst um miðjan júlí. Síðan verður gert hlé á vélaruppsetningu fram yfir verslunarmannahelgi. Þá tekur við mánaðar törn og er reiknað með að hægt verði að hleypa vatni á vélina um miðjan september og prófunum verði lokið fyrir 1. október,“ segir Steinar.

Það hefur ekki reynst nauðsynlegt að stöðva raforkuframleiðslu Mjólkárvirkjunar á meðan verið er að koma nýju vélarsamstæðunni fyrir. „Gamla túrbínan í Mjólká II hefur verið keyrð á fullu á meðan verið að koma þeirri nýju fyrir. Það verður þó að stöðva hana eftir að nýja túrbínan er komin á sinn stað en það verður þó ekki nema í rúmar fimm vikur,“ Steinar. „Það var ákveðið að hafa þennan háttinn á og byggja frekar við stöðvarhúsið fyrir nýja hverfillinn í stað þess að koma honum fyrir í vélarstæði gamla hverfilsins. Með því að fara þessa leið þurfum við ekki að stöðva framleiðsluna nema í fáeinar vikur í stað nokkurra mánaða. Núna erum við líka með nægilegt húsrými til að skipta um vélbúnað Mjólká I þegar að því kemur,“ segir Steinar.

Tekið af bb.is

Fyrsta sk�flustungan a� n�jum �b��um aldra�ra

Mon, 27 Jun 2011 14:24:00 +0000

Það var stór dagur hjá eldri borgurum í Bolungarvík í dag þegar Ingibjörg Guðfinnsdóttir tók fyrstu skóflustunguna að nýjum íbúðum aldraðra í bænum. Það er Byggingarélag heldri borgara í Bolungarvík sem stendur að baki byggingunni.

Í tilefni af fyrstu skóflustungunni að húsinu var haldin falleg athöfn þar sem Kristný Pálmadóttir, væntanlegur íbúi í húsinu, hélt stutta tölu og séra Agnes Sigurðardóttir blessaði framkvæmdirnar.

Húsið mun standa við Aðalstræti og mun með sameiginlegum stigagangi tengjast öðrum íbúðum fyrir aldraða sem eru í eigu Bolungarvíkurkaupstaðar. Um er að ræða þriggja hæða byggingu sem mun telja 15 íbúðir sem eru 70 - 90 fermetrar að stærð en auk þess er rúmgóður kjallari undir allri byggingunni. Áætlað er að verð minni íbúðanna verði 19 milljónir en að þær stærri kosti 24 milljónir.

Framkvæmdir við íbúðir aldraðra verða í höndum Vestfirskra verktaka ehf og er reiknað með að það taki 18 mánuði að fullklára bygginguna en stefnt er að því að húsið verði orðið fokhelt 1. desember næstkomandi.

Tekið af vikari.is

Meðfylgjandi mynd frá athöfninni tók Margrét Lilja Pétursdóttir.

Vestfirskir verktakar endurm�ra Pollg�tublokkina

Mon, 20 Jun 2011 10:17:00 +0000

Vestfirskir verktakar áttu lægsta tilboðið í viðgerðir á blokkinni við Pollgötu á Ísafirði. Tilboðið hljóðaði upp á 15,7 milljónir króna en ísfirska fyrirtækið Spýtan bauð einnig í verkið. Felst verkið í að endurmúra útveggi blokkarinnar og mála. Samkvæmt útboðslýsingu eru áætluð verklok í byrjun september.
Tekið af bb.is

Vestfirskir bu�u l�gst

Thu, 16 Jun 2011 11:01:00 +0000

Vestfirskir verktakar ehf., átti lægsta tilboð í þakviðgerðir á húsnæði Dvalarheimilisins Hlífar á Ísafirði. Þrjú fyrirtæki buðu í verkið, GÓK-húsasmiðiði, Ísblikk og Vestfirskir verktakar. Öll fyrirtækin skiluðu inn tveimur tilboðum, annars vegar fyrir aluzink þakefni og hins vegar fyrir litað bárujárn. Tilboð Vestfirskra verktaka var lægst í báðum tilfellum. Bæjarráð hefur samþykkt að gengið verði til samninga við lægstbjóðanda.
Tekið af bb.is

J�n �orl�ksson l�tur af st�rfum

Tue, 14 Jun 2011 10:53:00 +0000

Jón Þorláksson múrari hefur starfað hjá Vestfirskum verktökum allt frá stofnun fyrirtækisins í lok árs 2003. Nonni lét af störfum sökum aldurs á dögunum og var af því tilefni kvaddur með pompi og prakt á kaffistofu Vestfirskra.

Það væri ólíkt Nonna að ætla sér að fara að liggja með tærnar upp í loft og eru margvísleg verkefni framundan hjá honum á komandi sumri á milli þess sem hann mun þeysast landshornanna á milli með tjaldvagninn í eftirdragi. Um leið og Vestfirskir verktakar þakka Nonna fyrir vel unnin störf óska þeir honum alls hins besta.