Framkvæmdir í Edinborgarhúsinu „á fullu blasti“

Framkvæmdir við Edinborgarhúsið á Ísafirði ganga vel og er nú unnið hörðum höndum að því að húsið verði tilbúið á sjómannadag. „Þetta gengur þokkalega og húsið verður orðið klárt á réttum tíma. En það verða ekki margir tímar í fríi þangað til, þetta er alveg á fullu blasti“, segir Hermann Þorsteinsson, hjá Vestfirskum verktökum sem hefur verkið með höndum....

Wurth og Vestfirskir undirrita samstarfssamning

Allt frá stofnun Vestfirskra verktaka hefur fyrirtækið átt mikið og gott samstarf við Wurth á Íslandi og hafa viðskiptin aukist ár frá ári, enda hafa þeir Maron Pétursson tengiliður  og Róbert H. Halldórsson svæðissölustjóri veitt Vestfirskum alveg einstaklega góða og lipra þjónustu.

Í dag var undirritaður formlegur samstarfssamningur milli Vestfirskra og Wurth.  Samningurinn var undirritaður af þeim Haraldi Leifssyni, forstjóra Wurth á Íslandi og Hermanni Þorsteinssyni fyrir hönd Vestfirskra verktaka.

Þorsteinn í hremmingum...

Eins og sjá má á meðfylgjandi mynd lenti starfsmaður okkar Þorsteinn Guðbjartsson í miklum hremmingum er hann var á leið til vinnu í síðast liðinni viku, er BMW bifreið hans kastaðist út af veginum með þeim afleiðingum að hún sat pikkföst í vegarkantinum og þurfti að kalla út allt tiltækt björgunarlið til að koma honum upp á veginn aftur.

Ekki fylgdi sögunni hvað olli þessu tjóni en sá sem þetta ritar telur ekki ólíklegt að hér hafi verið um vítavert gáleysi ökumanns að ræða.

Hafnarbúðin afhent formlega

Hafnarbúðin var í morgunn formlega afhent eigendum sínum eftir umfangsmiklar breytingar og endurbætur. Bæði hefur verslunarrýmið verið stækkað auk þess sem Skóverslun Leós, áður til húsa að Hafnarstræti 5, flutti starfsemi sína í nýju Hafnarbúðina.
Óhætt er að segja að vel hafi tekist til með breytingarnar og eigendur ánægðir með hvernig til tókst. Af gefnu tilefni færði Hermann B. Þorsteinsson fyrir hönd Vestfirskra verktaka þeim Ingu S. Ólafsdóttur og Kristjáni Jóhannssyni blóm og fagurlega útskorinn platta til minningar um framkvæmdirnar og óskir um að verslunin og viðskiptin megi blómstra í framtíðinni.
Í Hafnarbúðinni er meðal annars að finna vörur frá 66°Norður, Cintamani og Adidas svo fátt eitt sé nefnt.