Byrgið tekið í notkun

Mikil gleði ríkti á skrifstofu Vestfirskra síðastliðinn föstudag þegar langþráð skjalageymsla var tekin í notkun og gengur hún undir nafninu "Byrgið", afhverju skal ósagt látið hér. Sama dag var gömlu eldhúsborði skipt út fyrir "alvöru" skrifborð þannig að segja má að mikið hafi verið um dýrðir á skrifstofunni þennan dag og þótti sumum vera tími til kominn.

Framkvæmdir við GÍ á áætlun

Framkvæmdir við Grunnskólann á Ísafirði ganga vel að sögn Jóhanns Birkis Helgasonar bæjartæknifræðings. „Verkið telst vera á áætlun, búið er að framkvæma fyrir 21% af verkinu, sem eru 85,5 milljónir. Undanfarnar vikur hafa að jafnaði 2 smiðir og 4 verkamenn verið að störfum við byggingu skólans á vegum Vestfirskra verktaka,...

Vestfirskir blóta Þorra

Þótti við hæfi, nú þegar Þorrinn er genginn í garð að Vestfirskir verktakar gerðu sér glaðan dag og blótuðu Þorra að gömlum sið.

Var starfsmönnum boðið til hádegisverðar inn á verkstæði föstudaginn 2.febrúar. Smíðuð voru trog á mettíma og þau síðan hlaðin ýmsu góðgæti. Boðið var meðal annars upp á harðfisk frá Dóra í Breiðadal og hákarl frá Bjarnarhöfn á Snæfellsnesi, en auk þess var að sjálfsögðu boðið upp á allan annan hefðbundinn Þorramat, súrsaða punga, lundabagga og tilheyrandi.

Fín mæting var á blótið og kunnu starfsmenn vel að meta kræsingarnar, jafnt íslendingar, portúgalir sem pólverjar.

Skrifað undir verksamning um Djúpveg

Vegagerðin og verktakafyrirtækin KNH ehf. og Vestfirskir verktakar skrifuðu í dag undir verksamning um vegagerð á Djúpvegi í framhaldi af útboði sem fram fór í lok síðasta árs. Verksamningurinn tekur til 14,5 km kafla Djúpvegar milli Reykjaness og Hörtnár utarlega við vestanverðan Mjóafjörð. Verkinu á að ljúka fyrir 1. nóvember á næsta ári....