Starfsmaður kvaddur

Sigurður Hannesson ákvað að láta af störfum sökum aldurs eftir rúmlega 4 ára farsælt starf hjá Vestfirskum Verktökum.
Hann kemur ekki til með að setjast alveg í helgan stein í sumar heldur ætlar hann að fara að sinna  viðhaldsverkum á eigin húsnæði.
Um leið og við þökkum Sigurði fyrir samstarfið og óskum honum velfarnaðar á komandi árum. 

Pílumót í tilefni af Góu

Æsispennandi pílumót var haldið á verkstæði Vestfirskra á föstudaginn var. Sex tvímenningslið kepptu um stórglæsilega vinninga sem voru að þessu sinni í boði Steypustöðvarinnar og Húsasmiðjunnar. Keppt var eftir leikreglum Double Trouble sem snýst um að hitta tvöföldu reitina, 20, 19, 18, 17, 16, 15 og svo búllið. Keppninni lauk með naumum sigri þeirra Hemma Þorsteins og Jónasar Skúla eftir æsispennandi bráðabana við Olla og Þórhall sem skipuðu annað sæti en þriðja sæti hrepptu skrifstofublókin Ingimar og Súðvíkingurinn Loftur.

Vestfirskir verktakar með lægsta tilboð í stöðvarhús Mjólkárvirkjunnar

Vestfirskir verktakar ehf., áttu lægsta tilboð í stækkun stöðvarhúss Mjólkárvirkjunar en tilboð í verkið voru opnuð í dag. Tilboðið hljóðaði upp á tæpar 67,3 milljónir króna sem er 85% af kostnaðaráætlun sem lagt var fram til grundvallar útboðinu. Fjögur önnur fyrirtæki skiluðu inn tilboðum. Tilboð Geirnaglans ehf. hljóðaði upp á 78,7 milljónir króna, tilboð FP. móta ehf. upp á 94,9 milljónir króna, GÓK húsasmíði ehf. bauð 99,7 milljónir og Spýtan ehf. 117,8 milljónir króna. Á vefsíðu Orkubús Vestfjarða segir að eftir að tilboðin hafi verið yfirfarin verði gengið til samninga við lægstbjóðanda....

Kampi fær upplyftingu

Vestfirskir verktakar vinna nú hörðum höndum að því að skipta um þak að Sindragötu 1 á rækjuverksmiðjunni Kampa. Um er að ræða umtalsverðar útlitsbreytingar á húsinu. Þakið sem var skáhallt áður er lyft mænir færður á mitt þak og látið ganga fram yfir veggi hússins á öllum hliðum. Það má því segja að um sannkallaða upplyftingu sé að ræða.