Vestfirskir verktakar lægstir við opnun tilboða

Tilboð í "Viðhald og endurbætur á Túngötu 13 - 15 Suðureyri" sem er í eigu Fasteigna Ísafjarðar voru opnuð klukkan tvö í dag. Alls bárust þrjú tilboð í verkið. Geirnaglinn ehf. bauð 24.796.700 kr.-, Spýtan ehf. 23.623.605 kr.- Vestfirskir verktakar ehf. 22.987.000 kr. en kostnaðaráætlun hljóðaði upp á 27.439.000 kr.-

Múrskeiðin er til margra hluta brúkleg...

Gólfið í Orkubúinu var steypt á síðasta vetrardag, en eins og áður hefur komið fram er verið að endurnýja neðri hæð húss Orkubúsins sem stendur við Stakkanes. Gólfflöturinn er rétt tæpir 200 fermetrar og fóru 42 rúmmetrar af steypu í gólfið.

Starfsmenn Vestfirskra létu sitt ekki eftir liggja til að verkið gæti unnist bæði fljótt og vel. Meiri hamagangur var þó í sumum en öðrum og vildi ekki betur til en svo að Nonni Láka flýtti sér fullmikið en Jobbi kom honum til bjargar og skóf á honum afturendann með múrskeiðinni.

Skipt um rúður í Stjórnsýsluhúsinu

Verið er að skipta um rúður í Stjórnsýsluhúsinu á Ísafirði en um er að ræða hefðbundið viðhald. „Þetta var komið á tíma enda rúðurnar yfir 20 ára gamlar og þær duga nú ekkert mikið lengur en það“, segir Hermann Þorsteinsson hjá Vestfirskum verktökum sem annast verkið. Skipt verður um 50 rúður og eru fimm menn að vinna við verkið. Hermann segist búast við að það taki um vikutíma. „Við fengum versta veðrið fyrir þetta en ætli það taki ekki góða viku að ljúka þessu.“

Tekið af bb.is

Vestfirskir verktakar lagfæra Orkubúið

„Við erum í minni verkefnum ásamt því að sinna framkvæmdum við breytingar á húsi Orkubús Vestfjarða á Ísafirði,“ segir Hermann Þorsteinsson, einn af eigendum ísfirska verktakafyrirtækisins Vestfirskra verktaka ehf. Lagfæra þarf neðri hæð Orkubúsins vegna sigs á gólfi undanfarin ár og býst Hermann við að framkvæmdirnar taki tvo mánuði. Fyrirtækið bíður eftir að veður fari að skána svo það geti hafið brúarsmíði í Hnífsdal og í Mjóafirði í Ísafjarðardjúpi, en stefnt er að því að framkvæmdir við brýrnar geti hafist fljótlega eftir páska.

Tekið af bb.is